Artist: Linton Kwesi Johnson
Album: Miscellaneous
Genre: Ska
Mekkin histri
Now tell mi someting
Mistah govahment
Tell mi someting
How lang yu really feel
Yu coulda keep wi andah heel
Wen di trute done reveal
Bout how yu grab an steal
Bout how yu mek yu crooked deal
Mek yu crooked deal?
Well doun in soutall
Where peach did get fall
Di Asians dem faam up a human wall
Gense di fashist an dem police sheil
An dem show dat di Asians gat plenty zeal
Gat plenty zeal, gat plenty zeal
It is noh mistri
Wi mekkin histri
It is noh mistri
Wi winnin victri
Now tell mi someting
Mistah police spokesman
Tell mi someting
How lang yu really tink
Wi woulda tek yu batn lick
Yu jackboot kick
Yu dutty bag a tricks
An yu racist pallyticks
Yu racist pallyticks?
Well doun in Bristal
Dey ad noh pistal
But dem chase di babylan away
Man yu shoulda si yu babylan
How dem really run away
Yu shoulda si yu babylan dem dig up dat dey
Dig up dat dey, dig up dat dey
It is noh mistri
Wi mekkin histri
It is noh mistri
Wi winnin victri
Now tell mi someting
Mistah ritewing man
Tell mi someting
How lang yu really feel
Wi woulda grovel an squeal
Wen soh much murdah canceal
Wen wi woun cyaan heal
Wen wi feel di way wi feel
Feel di way wi feel?
Well dere woz Toxteh
An dere woz moss side
An a lat a addah places
Whey di police ad to hide
Well dere woz Brixtan
An dere woz Chapeltoun
An a lat a addah place dat woz burnt to di groun
Burnt to di groun, burnt to di groun
It is noh mistri
Wi mekkin histri
It is noh mistri
Wi winnin victri
| 1 | Reggae Sounds |
| 2 | Tings an Times |
| 3 | Making History |
| 4 | Street 66 |
| 5 | Sonny's Lettah (Anti-Sus Poem) |
| 6 | It Noh Funny |
| 1 | Bad Boys (Theme From "COPS")Inner Circle |
| 2 | Straight Jeans & FittedVybz Kartel |
| 3 | Chanda MamaPlaying For Change |
| 4 | Bright Side Of LifeRebelution |
| 5 | Romping ShopVybz Kartel |
| 6 | One LovePlaying For Change |
| 7 | Lazy AfternoonRebelution |
| 8 | One DayMatisyahu |
| 9 | Any Mr. ManBeenie Man |
| 10 | Look For MeChipmunk |
| View All | |
Official Artist-Approved Licensed Lyrics from Gracenote.
Copyright © Lkj Music Publr. Ltd.
Add Song Meaning